Bayer Boervrou van die Jaar: Vier vroue in landbou

Bayer Boervrou van die Jaar Kompetisie

9 Artikels

Article

WENNER: Katlego Kubedi plant saad van verandering

Sy wil onthou word as ’n vrou wat vir ’n beter lewe deur middel van landbou geveg het. Katlego Kubedi, wat pas aangekondig is as die wenner van die Bayer Boervrou van die Jaar 2025-kompetisie in die kategorie Vroueboer sê sy hoop om onthou te word as iemand wat die saad van verandering geplant het, wat met hart geboer het, ander opgehef het en ’n nalatenskap van groei agtergelaat het.

Article

WENNER: Margerite van Niekerk – Geroepe vir hierdie lewe, vir hierdie land

Margerite van Niekerk, wat saam met haar man, ouers en broers op ’n plaas in Brits in Noordwes boer, glo haar roeping is eenvoudig en kosbaar. Sy leef elke dag met betekenis, met haar sagte voete op harde grond en ’n hart wat oop bly sodat sy kan groei, glo en voluit leef.

Article

FINALIS: Annemien van Tonder maak elke dag ’n positiewe verskil

In die hartjie van die Oos-Vrystaat verpleeg Annemien van Tonder die siek diere op hul plaas terwyl sy daagliks hul huishouding en veevoerkraal bestuur. Sy beskou haarself as 'n "plaasma" wat elke dag seker maak dat almal se mae vol is. Terwyl haar man die saaiwerk op hul plaas hanteer, bestuur Annemien die voerkraal, waar sy nie net verseker dat die beeste en hul kalwers daagliks gevoer word nie, maar waar sy ook vir die siek diere sorg. Sy sien dit as haar passie en vind dit baie belonend om vir 'n siek kalf te sorg totdat hulle weer gesond is – veral wanneer hulle sterk genoeg is om agter haar aan te hardloop vir melk.

Article

FINALIS: Liesel Vermaak boer met moed

Van die klaskamer na die stofpaaie van die plaas. Liesel Vermaak se pad na die plaas was allesbehalwe konvensioneel. Vandag is sy ’n boer in murg en been en staan sy nie terug vir enige uitdaging wat die plaaslewe na haar kant gooi nie. Liesel was vanjaar een van die finaliste in die Bayer Boervrou van die Jaar-kompetisie in die afdeling vir vroue wat boer.